Ukraina xavfsizlik xizmati 1-iyun kuni Rossiyaning beshta hududidagi harbiy aerodromlarga dronlar bilan hujum qildi. Dronlar Rossiya hududidagi yuk mashinasining tomiga yashirilgan bo‘lib, masofadan boshqarilgan. Ukraina prezidenti Vladimir Zelenskiy “O‘rgimchak to‘ri” nomli mazkur operatsiyaga o‘z munosabatini bildirdi.
Zelenskiy mazkur operatsiyada ishtirok etgan xavfsizlik xizmatiga, shaxsan general Malyukka minnatdorlik bildirgan.
Operatsiyaga bir yarim yildan ko‘proq tayyorladik. Rejalashtirish, tashkil etish, barcha tafsilotlar mukammal tayyorlangan. Ishonch bilan aytish mumkinki, bu mutlaqo noyob operatsiya, degan Ukraina prezidenti.
U operatsiyaning “ofisi” Rossiya viloyatlaridan birida Federal xavfsizlik xizmati boshqarmasi yonida joylashganini aytdi. Operatsiyada 117 ta dron, shuningdek, uchta vaqt mintaqasida ishlaydigan ko‘p sonli operatorlardan foydalanilgan.
Aerodromlardagi strategik qanotli raketa tashuvchilarning 34 foiziga zarar yetgan. Bizning odamlarimiz Rossiyaning turli hududida faoliyat ko‘rsatdi... Operatsiya boshlanishidan oldin odamlarimiz, bizga yordam berganlar Rossiya hududidan olib chiqildi, hozir ular xavfsiz joyda, dedi siyosatchi.
Ukraina Xavfsizlik xizmatiga ko‘ra, Rossiyaning strategik qanotli raketa tashuvchilarining 34 foizini yo‘q qilishga erishilgan.
Rossiya aerodromlariga berilgan zarbalariRossiya strategik aviatsiyasiga qilingan eng yirik hujum deya baholanmoqda.
Izoh (0)