Farg‘ona viloyati rahbariyati mas’uliyatini oshirish bo‘yicha yangi tizim yo‘lga qo‘yiladi

Viloyat rahbariyatining mas’uliyatini oshirish bo‘yicha Farg‘onada yangi tizim bo‘lishi belgilandi. Bu haqda 12-iyul kuni Farg‘ona viloyatini ijtimoiy-iqtisodiy rivojlantirish bo‘yicha prezident raisligidagi yig‘ilishda ma’lum qilindi.

Unga ko‘ra, viloyat hokimining o‘zi va har bir o‘rinbosari, 19 ta tuman va shahar hokimi kuniga kamida 5 tadan tadbirkor va xorijiy investorni qabul qilib, ularning muammosini hal qiladi.

Ular har hafta televideniye, radio orqali  aholi va tadbirkorlarga bo‘layotgan o‘zgarishlarni aytib boradi. Yil yakunida ularning faoliyati sarhisob qilinib, tegishli chora ko‘riladi.

Prezident viloyat kengashi deputatlari ham komissiya tuzib, har bir raqamni nazoratga olishi muhimligini qayd etdi.