Вилоят раҳбариятининг масъулиятини ошириш бўйича Фарғонада янги тизим бўлиши белгиланди. Бу ҳақда 12 июль куни Фарғона вилоятини ижтимоий-иқтисодий ривожлантириш бўйича президент раислигидаги йиғилишда маълум қилинди.
Унга кўра, вилоят ҳокимининг ўзи ва ҳар бир ўринбосари, 19 та туман ва шаҳар ҳокими кунига камида 5 тадан тадбиркор ва хорижий инвесторни қабул қилиб, уларнинг муаммосини ҳал қилади.
Улар ҳар ҳафта телевидение, радио орқали аҳоли ва тадбиркорларга бўлаётган ўзгаришларни айтиб боради. Йил якунида уларнинг фаолияти сарҳисоб қилиниб, тегишли чора кўрилади.
Президент вилоят кенгаши депутатлари ҳам комиссия тузиб, ҳар бир рақамни назоратга олиши муҳимлигини қайд этди.
Изоҳ (0)