O‘zbekistonda oliy ta’lim bilan qamrab olingan 18-23 yoshdagi ayollar ulushi oshgani ma’lum bo‘ldi.
Milliy statistika qo‘mitasi ma’lumotlariga ko‘ra, 2024/2025-o‘quv yili boshida O‘zbekistonda 18-23 yoshdagi aholining oliy ta’lim bilan qamrab olinishi 47,7 foizni tashkil etdi. 2024-yil holatiga ko‘ra, 18-23 yoshdagi ayollar orasida oliy ta’lim bilan qamrab olinganlar soni 52,4 foizni tashkil qilgan. Solishtirish uchun, bu ko‘rsatkich 2014-yilda bor-yo‘g‘i 5,2 foiz edi.
Shuningdek, 18-23 yoshdagi erkaklar orasida bu raqam 2023-yildagi 43,7 foizdan 2024 yilda 43,5 foizga biroz pasaygan:
Erkaklar:
- 2014 yil – 8,4 foiz
- 2015 yil – 8,4 foiz
- 2016 yil – 8,8 foiz
- 2017 yil – 9,8 foiz
- 2018 yil – 11,5 foiz
- 2019 yil – 13,9 foiz
- 2020 yil – 19,7 foiz
- 2021 yil – 29 foiz
- 2022 yil – 36,2 foiz
- 2023 yil – 43,7 foiz
- 2024 yil – 43,5 foiz
Ayollar:
- 2014 yil – 5,2 foiz
- 2015 yil – 5,4 foiz
- 2016 yil – 5,6 foiz
- 2017 yil – 6,8 foiz
- 2018 yil – 9,7 foiz
- 2019 yil – 12,6 foiz
- 2020 yil – 17,7 foiz
- 2021 yil – 27,4 foiz
- 2022 yil – 37,1 foiz
- 2023 yil – 48,4 foiz
- 2024 yil – 52,4 foiz.
Oliy taʼlimga doir statistika
O‘zbekistonda 2024/2025-o‘quv yili boshiga faoliyat yuritayotgan oliy taʼlim tashkilotlarida tahsil olayotgan talabalarning umumiy soni 1 mln 432,8 ming nafarni tashkil etdi.
Oliy taʼlim tashkilotlarida tahsil olayotgan talabalarning umumiy soni yillar kesimida quyidagicha:
- 2015/2016-o‘quv yili boshiga – 264,3 ming nafar;
- 2016/2017-o‘quv yili boshiga – 268,3 ming nafar;
- 2017/2018-o‘quv yili boshiga – 297,7 ming nafar;
- 2018/2019-o‘quv yili boshiga – 360,2 ming nafar;
- 2019/2020-o‘quv yili boshiga – 441 ming nafar;
- 2020/2021-o‘quv yili boshiga – 571,5 ming nafar;
- 2021/2022-o‘quv yili boshiga – 808,4 ming nafar;
- 2022/2023-o‘quv yili boshiga – 1 mln 042,1 ming nafar;
- 2023/2024-o‘quv yili boshiga – 1 mln 314,5 ming nafar;
- 2024/2025-o‘quv yili boshiga – 1 mln 432,8 ming nafar.
O‘zbekistonda jami talabalarning 782 mingini xotin-qizlar tashkil qilishi haqida xabar berilgandi.
O‘zbekistonda endilikda kambag‘al oilaning farzandiga ta’lim krediti foizsiz beriladi, qo‘shimcha grant ajratiladi, kontrakt to‘lovining bir qismi qoplab beriladi.
Izoh (0)