Google Android telefonlarida internetga ulanmasdan ishlaydigan sun’iy intellektga ega AI Edge Gallery’ni taqdim etdi. Bu haqda The Economic Times xabar berdi.
Bu yangilik foydalanuvchilarga o‘z qurilmalarida SI funksiyalaridan, masalan, tasvir yaratish, savollarga javob berish va kod yozish kabi imkoniyatlardan foydalanish imkonini beradi. Ilova hozirda Android uchun mavjud va tez orada iOS versiyasida ham ishga tushishi kutilmoqda. U o‘rnatilgan protsessor yordamida telefonda Sl modellarini qidiradi, yuklab oladi va ishga tushiradi. Google buni eksperimental Alpha reliz deb atagan. Ilovani GitHub orqali yuklab olish mumkin.
Ilovada, shuningdek, “So‘rov laboratoriyasi” deb nomlangan funksiya mavjud bo‘lib, unda foydalanuvchilar matnni umumlashtirish yoki qayta yozish kabi bir vazifali so‘rovlarni sinab ko‘rishi mumkin.
Kompaniyaning ta’kidlashicha, ilovaning qanchalik yaxshi ishlashi telefonga bog‘liq bo‘ladi. Yangi va kuchliroq telefonlarda tizim ancha tezroq ishlaydi. Shuningdek, kattaroq telefon modellari rasmlar haqidagi so‘rovlarga javob berishda kichikroq modellarga qaraganda ko‘proq vaqt sarflaydi. Ilova Apache 2.0 litsenziyasi ostida chiqarilgan, ya’ni u ommaviy foydalanish va hatto tijorat maqsadlarida ham mavjud.
Izoh (0)