Film ustida ishlash faqatgina yulduzlarning katta gonorarlari, mashhurlik va qizil gilamdan iborat emas. Ba’zida aktyorlar aynan kerakli kadrni olish uchun hayotlarini xavf ostiga qo‘yishadi.
“Yovuzlik maskani”
Mila Yovovich dublyorining qo‘li amputatsiya qilingan
“Yovuzlik maskani” filmining yangi qismini suratga olish paytida fojia sodir bo‘ladi: bosh rolni ijro etayotgan Mila Yovovichning dublyori Oliviya Jeksonning qo‘lini amputatsiya qilishga majbur bo‘linadi. Sahnalardan birini tasvirga olishda kamerani harakatlantiradigan kranda texnik nosozlik yuz beradi. Dublyorning o‘zi orqaga qaytishi kerak bo‘lgan kranga urilib ketadi.
Oliviya bir necha hafta komada yotib, boshi va qo‘lidan jiddiy jarohat oladi. U hushiga kelib, sog‘ayib ketgan bo‘lsa-da, chap qo‘lini saqlab qolishning iloji bo‘lmaydi. Shifokorlar qizning chap qo‘lini amputatsiya qilishga majbur bo‘ladilar.
“Uch iksa”
Vin Dizelning dublyori Garri Konnor halok bo‘lgan
“Uch iksa” filmida xavfli tryuk sahnalari ko‘p bo‘lib, ularni bajarish uchun Gollivudning eng mohir kaskadyorlari taklif etilgan. Ulardan biri Vin Dizelning dublyori Garri Konnor edi. Jasur Garri hamma narsani mukammal bajarishni istardi, biroq filmning bir sahnasini suratga olish paytida fojia yuz beradi: Konnor parashyutdan sakrab ko‘prikka qo‘nishi kerak edi, ammo tushish tezligi haddan tashqari yuqori bo‘lib, qo‘nish halokatli tugaydi - Garri Konnor voqea joyida halok bo‘ladi.
“Sirli qotillik”
Aktyor Brendon Li vafot etgan
1994-yilda Brendon Li bosh qahramonni ijro etgan sahnani suratga olish paytida, qurolning stvoliga haqiqiy jangovar o‘q joylashtirilgan bo‘lgan. O‘q aktyorning qorniga tegib, Brendon Li tez tibbiy yordam yetib kelguncha vafot etadi. O‘shanda aktyor 28 yoshda edi.
“Poltergeyst”
Aktrisa Xezer O‘Rurk vafot etgan
“Poltergeyst” mistik filmini suratga olish paytida aktrisa Xezer O‘Rurk atigi 12 yoshda edi. Qizaloq ish jarayonidagi zo‘riqish tufayli to‘satdan qattiq shamollab qoladi va kasalxonaga yotqiziladi. Ertasi kuni kichkina Xezer hayotdan ko‘z yumadi.
“Ustasi faranglar”
Aktrisa Ayla Fisher halok bo‘lishiga sal qolgan
Filmdagi sahnalardan biri aktrisa Ayla Fisherning hayotidagi so‘nggi lahzasi bo‘lishiga sal qoldi. Suv to‘ldirilgan shisha kameradan g‘oyib bo‘lish sahnasi paytida aktrisa cho‘kib ketay deydi. Oyoqlarini bog‘lagan zanjirlar chalkashib qolgani sababli aktrisa suv ostida uch daqiqa qolib ketadi.
“Oz mamlakatining sehrgari”
Aktrisa Margaret Xemiltonning yuzi kuyib qolgan
Margaret Xemilton “Oz mamlakati sehrgari” filmida yovuz jodugar rolini ijro etgan. Uning qahramoni g‘oyib bo‘lish sahnasini suratga olish paytida baxtsiz hodisa yuz beradi: nosoz yashirin lyuk sababli sodir bo‘lgan portlash oqibatida aktrisa uchinchi darajali kuyish jarohatini oladi.
Izoh (0)