Yaunzems Girts Latviyaning O‘zbekistondagi yangi elchisi etib tayinlandi.
TIV rahbari Baxtiyor Saidov 15-avgust kuni undan ishonch yorliqlari nusxalarini qabul qildi.
“Mamlakatlarimiz o‘rtasidagi ko‘p yillik aloqalarni yanada mustahkamlashga, o‘zaro manfaatli hamkorlikning yangi imkoniyatlarini ham ikki tomonlama, ham mintaqaviy miqyosda ochishga tayyor ekanligimizni bildirdik”, deb yozdi vazir ijtimoiy tarmoqdagi sahifasida.
2021-yilning sentyabridan buyon Latviyaning O‘zbekistondagi elchisi lavozimida Reynis Troksh faoliyat yuritayotgandi. Undan avval Latviya elchisi lavozimida Mixails Popkovs ishlagan.
Baxtiyor Saidov 14-avgust kuni o‘z faoliyatini yakunlayotgan Fransiyan elchisi Oreliya Bushezni TIVda qabul qilgandi. Shu kuni elchi prezident Shavkat Mirziyoyev qabulida ham bo‘ldi. Davlat rahbari O‘zbekiston va Fransiya o‘rtasida do‘stlik va strategik sheriklik munosabatlarini mustahkamlashga qo‘shgan katta hissasi uchun Oreliya Bushezga “Do‘stlik” ordenini topshirdi.
Izoh (0)