Angliyaning “Manchester Siti” klubi Germaniyaning “Leypsig” jamoasida to‘p surayotgan hujumkor yarim himoyachi Xavi Simons transferi bo‘yicha harakat boshladi. Bu haqda jurnalist Sasha Tavolyeri o‘zining X (sobiq Twitter) sahifasida xabar berdi.
Manbaga ko‘ra, “shaharliklar” futbolchining agenti Ali Barat bilan muzokaralarni boshlab yuborgan. “Manchester Siti”ning braziliyalik vingeri Savinyo “Tottenhem”ga o‘tishi kutilmoqda. Klub rahbariyati esa uning o‘rnini aynan Simons bilan to‘ldirmoqchi.
Avvalroq Simons bilan “Chelsi” klubi ham muzokaralar olib borayotgani va kelishuv yakuniy bosqichda ekanligi xabar qilingandi. Shu bilan birga, niderlandiyalik futbolchi “Leypsig”ning mashg‘ulotlarida ishtirok etmayotgani ham uning tez orada klubni tark etishi mumkinligini ko‘rsatmoqda.
- Xavi Simons o‘tgan mavsum “Leypsig” safida jami 33 uchrashuvda maydonga tushib, o‘z hisobiga 11 gol va 8 assist yozdirib qo‘ygan.
- Futbolchining klub bilan shartnomasi 2027-yilning yoziga qadar amal qiladi.
- Transfermarkt portali niderlandiyalik yarim himoyachining qiymatini 70 million yevroga baholamoqda.
Izoh (0)