UFCning sobiq yengil vazn toifasi chempioni Charlz Oliveyra Iliya Topuriyaga qarshi jangdagi mag‘lubiyati hamda keyingi bahsga tayyorgarligi haqida fikr bildirdi. Bu haqda Championat nashri xabar berdi.
Meni hech qachon nokaut qilishmagan. Bu holat ilk bor yuz berdi. Afsuski, kuchli sportchiga qarshi bahsda muddatidan oldin yutqazdim. Uyga tushkun holatda qaytdim, yig‘ladim va jahlim chiqdi. Ammo hozir men har qachongidan ham yaxshiroqman. So‘zlarimni yodda tuting: yarador sher — baribir sherligicha qoladi. 12-oktabr kuni mening hikoyam tugamaganini isbotlayman, — dedi Oliveyra AgFight nashriga bergan intervyusida.
Eslatib o‘tamiz, 2025-yil 29-iyun kuni bo‘lib o‘tgan UFC 317 turnirida braziliyalik jangchi Iliya Topuriyaga qarshi chempionlik kamari uchun kechgan bahsning birinchi raundidayoq nokautga uchragan edi.
Charlz Oliveyra navbatdagi jangini 12-oktabr kuni UFCning Rio-de-Janeyroda o‘tadigan turnirida Rafael Fiziyevga qarshi o‘tkazadi. Ushbu bahs kechaning asosiy jangi bo‘lishi kutilmoqda. Bu bellashuv braziliyalik sportchi uchun uch oylik tanaffusdan keyingi ilk jang bo‘ladi.
Izoh (0)