26-iyul, shanba kuni Birlashgan Arab Amirligining Abu-Dabi shahrida UFC on ABC 9 turniri o‘tkazilmoqda. Ushbu musobaqa doirasida mahalliy jangchi Muhammad Yahyo va amerikalik Stiven Nguen o‘rtasida bahsda o‘ziga xos natija qayd etildi. Ushbu to‘qnashuv UFC tarixidagi rekord darajadagi nokdaunlar soni bilan muxlislarning yodida qoldi — Nguen jang davomida jami olti marta raqibini nokdaun holatiga tushirdi.
Shundan keyin hakamlarning yakdil qaroriga ko‘ra, jang texnik nokaut (shifokor aralashuvi orqali to‘xtatilgan) bilan yakunlandi va g‘alaba amerikalik jangchiga berildi.
Eslatib o‘tamiz, turnirning markaziy jangi avstraliyalik UFC’ning o‘rta vazn toifasidagi sobiq chempioni Robert Uittaker va One Championship promoushenining o‘rta va yarim og‘ir vazndagi sobiq chempioni, niderlandiyalik Renye de Ridder o‘rtasida bo‘lib o‘tadi. Shuningdek, ushbu turnirning asosiy kardida o‘zbekistonlik aralash jang san’ati ustasi Bogdan Guskov ham oktagonga chiqadi. U yarim og‘ir vazn toifasida rossiyalik Nikita Krillovga qarshi jang qiladi.
Izoh (0)