O‘zbekistonlik jamoa tomonidan ishlab chiqilgan riitm musiqiy servisi endilikda barcha mobil operatorlar foydalanuvchilari uchun mavjud. Platforma 30 milliondan ortiq trek va podkastlarni, jumladan, o‘zbek tilidagi kontentni taklif etadi hamda O‘zbekiston va xorijdagi tinglovchilarning musiqiy didini hisobga oluvchi aqlli algoritmlardan foydalanadi. riitm hamkorlari orasida Believe, Universal Music, Nevo Music, Riza Nova, CreativeMedia, Monolit, MSC va boshqa mualliflik huquqi egalarini ko‘rish mumkin.
Platforma onlayn musiqa tinglash, shaxsiy pleylistlar yaratish va musiqiy didni boshqalar bilan ulashish imkonini beradi. riitm algoritmlari O‘zbekiston va dunyo bo‘ylab musiqiy trendlarni hisobga oladi. Ovoz sifati 320 kbit/s gacha yetadi. Bitta obunani uchta qurilmada ishlatish mumkin, ilovadan barcha mobil aloqa operatorlari foydalanuvchilari foydalanishlari mumkin.
Foydalanuvchilar xizmatdan 90 kungacha sinov muddati davomida oyiga 1 so‘m evaziga foydalanishlari mumkin. Sinov davrida platforma foydalanuvchining didi asosida tavsiyalar shakllantiradi, trendlar, sevimli ijrochilar va yangiliklardan iborat moslashtirilgan pleylistlar tuzadi. Sinov tugagach, to‘liq obuna narxi 9999 so‘mni tashkil etadi. Bundan tashqari, cheklangan funksiyalarga ega, bank kartasi bog‘lamasdan foydalaniladigan bepul versiyasi ham mavjud.
Beeline Uzbekistan tijorat direktori Maksim Yefremov shunday dedi:
"riitm foydalanuvchilarimizga yagona raqamli servis orqali keng qamrovli kontent katalogidan qulay foydalanish imkonini beradi. Biz obuna platformalariga bo‘lgan talab tobora ortib borayotganini ko‘rmoqdamiz va musiqa mahsuloti boshqa raqamli takliflarni to‘ldiradigan ekotizimni shakllantiryapmiz. Shu bois, iyul oyidan boshlab biz riitm’ni qo‘shimcha to‘lovsiz amaldagi tariflarimizning keng qatoriga kiritdik. Bu kundalik foydalanish ssenariylari doirasini kengaytiradi va tarif shartlarini o‘zgartirmasdan mijozlarimizning imkoniyatlarini oshirish imkonini beradi."
“riitm’ning texnologik arxitekturasi har bir foydalanuvchining istaklariga moslashadi va shaxsiy tajriba yaratadi. Biz platformani mahalliy bozor ehtiyojlarini inobatga olgan holda ishlab chiqdik va uning funksiyalarini bosqichma-bosqich kengaytirishni rejalashtiryapmiz. Bu bizning foydalanuvchilarga smartfondan turib qulay ko‘ngilochar kontentga ulanish imkonini beruvchi, keng ommaga mo‘ljallangan raqamli xizmatlar sari navbatdagi qadammiz,” — deya qo‘shimcha qildi riitm musiqa xizmati rahbari Sarvariddin Arzumetov.
Ilova sinov rejimida ishga tushirilganidan buyon uning oylik auditoriyasi 30 ming foydalanuvchiga yetdi. Eshitilayotgan treklardan yarmi o‘zbek tilida. 2025 yil aprel-may oylari davomida eng ko‘p tinglangan o‘zbek san’atkorlari va guruhlari qatoriga quyidagilar kirdi:
- Bahodir Mamajonov – 18 yoshimda edi
- Ortiqboy Ro‘ziboyev – Sog‘inaman
- Shirin – Yana o‘sha bezori
Shuningdek, servis foydalanuvchilari orasida eng ommabop bo‘lgan Top-3 jahon san’atkorlari ro‘yxatiga quyidagilar kirdi:
- Billie Eilish – BIRDS OF A FEATHER
- Kendrick Lamar & SZA – luther
- Playboi Carti & The Weeknd – RATHER LIE
Servis haqida
riitm — millionlab treklar va podkastlarga kirish imkonini beruvchi raqamli musiqiy servis. Platforma foydalanuvchilarga shaxsiy tavsiyalar, yuqori sifatli ovoz va o‘zbek tilidagi lokal kontentni taklif etadi. Har bir foydalanuvchi o‘z pleylistini yaratishi, musiqiy didi bilan bo‘lishishi va reklamalarsiz onlayn tarzda musiqa tinglashi mumkin. riitm iOS va Android qurilmalari uchun mavjud, barcha mobil operatorlarda ishlaydi va bir nechta qurilmada bir vaqtda foydalanish imkonini beradi. Beeline Uzbekistan, OQ va Ucell foydalanuvchilari xizmatga SMS orqali ro‘yxatdan o‘tishlari mumkin, boshqa operator abonentlari esa Telegram-bot orqali ulanishlari mumkin.
Istalgan qurilmada va cheklovlarsiz qulay tinglang. riitm ilovasini App Store va Google Play orqali yuklab oling.
Izoh (0)