Ўзбекистонлик жамоа томонидан ишлаб чиқилган riitm мусиқий сервиси эндиликда барча мобил операторлар фойдаланувчилари учун мавжуд. Платформа 30 миллиондан ортиқ трек ва подкастларни, жумладан, ўзбек тилидаги контентни таклиф этади ҳамда Ўзбекистон ва хориждаги тингловчиларнинг мусиқий дидини ҳисобга олувчи ақлли алгоритмлардан фойдаланади. riitm ҳамкорлари орасида Believe, Universal Music, Nevo Music, Riza Nova, CreativeМedia, Monolit, МSC ва бошқа муаллифлик ҳуқуқи эгаларини кўриш мумкин.
Платформа онлайн мусиқа тинглаш, шахсий плейлистлар яратиш ва мусиқий дидни бошқалар билан улашиш имконини беради. riitm алгоритмлари Ўзбекистон ва дунё бўйлаб мусиқий трендларни ҳисобга олади. Овоз сифати 320 кбит/с гача етади. Битта обунани учта қурилмада ишлатиш мумкин, иловадан барча мобил алоқа операторлари фойдаланувчилари фойдаланишлари мумкин.
Фойдаланувчилар хизматдан 90 кунгача синов муддати давомида ойига 1 сўм эвазига фойдаланишлари мумкин. Синов даврида платформа фойдаланувчининг диди асосида тавсиялар шакллантиради, трендлар, севимли ижрочилар ва янгиликлардан иборат мослаштирилган плейлистлар тузади. Синов тугагач, тўлиқ обуна нархи 9999 сўмни ташкил этади. Бундан ташқари, чекланган функцияларга эга, банк картаси боғламасдан фойдаланиладиган бепул версияси ҳам мавжуд.
Beeline Uzbekistan тижорат директори Максим Ефремов шундай деди:
"riitm фойдаланувчиларимизга ягона рақамли сервис орқали кенг қамровли контент каталогидан қулай фойдаланиш имконини беради. Биз обуна платформаларига бўлган талаб тобора ортиб бораётганини кўрмоқдамиз ва мусиқа маҳсулоти бошқа рақамли таклифларни тўлдирадиган экотизимни шакллантиряпмиз. Шу боис, июль ойидан бошлаб биз riitm'ни қўшимча тўловсиз амалдаги тарифларимизнинг кенг қаторига киритдик. Бу кундалик фойдаланиш сценарийлари доирасини кенгайтиради ва тариф шартларини ўзгартирмасдан мижозларимизнинг имкониятларини ошириш имконини беради."
“riitm'нинг технологик архитектураси ҳар бир фойдаланувчининг истакларига мослашади ва шахсий тажриба яратади. Биз платформани маҳаллий бозор эҳтиёжларини инобатга олган ҳолда ишлаб чиқдик ва унинг функцияларини босқичма-босқич кенгайтиришни режалаштиряпмиз. Бу бизнинг фойдаланувчиларга смартфондан туриб қулай кўнгилочар контентга уланиш имконини берувчи, кенг оммага мўлжалланган рақамли хизматлар сари навбатдаги қадаммиз”, дея қўшимча қилди riitm мусиқа хизмати раҳбари Сарвариддин Арзуметов.
Илова синов режимида ишга туширилганидан буён унинг ойлик аудиторияси 30 минг фойдаланувчига етди. Эшитилаётган треклардан ярми ўзбек тилида. 2025 йил апрель май ойлари давомида энг кўп тингланган ўзбек санъаткорлари ва гуруҳлари қаторига қуйидагилар кирди:
- Баҳодир Мамажонов – 18 ёшимда эди
- Ортиқбой Рўзибоев – Соғинаман
- Ширин – Яна ўша безори
Шунингдек, сервис фойдаланувчилари орасида энг оммабоп бўлган Топ-3 жаҳон санъаткорлари рўйхатига қуйидагилар кирди:
- Billie Eilish – BIRDS OF A FEATHER
- Kendrick Lamar & SZА – luther
- Playboi Cаrti & Тhе Weeknd – RATHER LIE
Сервис ҳақида
riitm — миллионлаб треклар ва подкастларга кириш имконини берувчи рақамли мусиқий сервис. Платформа фойдаланувчиларга шахсий тавсиялар, юқори сифатли овоз ва ўзбек тилидаги локал контентни таклиф этади. Ҳар бир фойдаланувчи ўз плейлистини яратиши, мусиқий диди билан бўлишиши ва рекламаларсиз онлайн тарзда мусиқа тинглаши мумкин. riitm iOS ва Android қурилмалари учун мавжуд, барча мобил операторларда ишлайди ва бир нечта қурилмада бир вақтда фойдаланиш имконини беради. Beeline Uzbekistan, ОQ ва Ucell фойдаланувчилари хизматга SMS орқали рўйхатдан ўтишлари мумкин, бошқа оператор абонентлари эса Telegram-бот орқали уланишлари мумкин.
Исталган қурилмада ва чекловларсиз қулай тингланг. riitm иловасини App Store ва Google Play орқали юклаб олинг.
Изоҳ (0)