Britaniyaning mashhur sport nashri FourFourTwo 2025-yil holatiga ko’ra, dunyoning eng kuchli hujumchilari reytingini e’lon qildi. Birinchi o’rinni “Real Madrid” va Fransiya terma jamoasi a’zosi Kilian Mbappe egalladi.
Mbappe o‘tgan mavsumda “qirollik klubi” tarkibida UEFA Superkubogi va Qit’alararo kubok (ya’ni Klublar o‘rtasidagi Jahon chempionati)ni qo‘lga kiritdi. U barcha musobaqalarda 56 o‘yinda maydonga tushib, 43 ta gol muallifiga aylandi.
Ikkinchi pog‘onadan “Bavariya” hujumchisi Harri Keyn joy olgan bo‘lsa, kuchli uchlikka “PSJ” futbolchisi Usmon Dembele yakun yasadi.
“Manchester Siti” hujumchisi Erling Holand esa 5-pog‘onada qayd etilgan. Chunki “shaharliklar” o‘tgan mavsum hech qanday sovrin qo‘lga kiritmadi.
FourFourTwo reytingiga ko‘ra, 2025-yilning eng kuchli 10 nafar hujumchisi:
- Kilian Mbappe – “Real Madrid”
- Harri Keyn – “Bavariya”
- Usmon Dembele – “Pari Sen-Jermen”
- Aleksandr Isak – “Nyukasl Yunayted”
- Erling Holand – “Manchester Siti”
- Robert Levandovski – “Barselona”
- Lautaro Martines – “Inter”
- Viktor Dyokeresh – “Sporting”
- Omar Marmush – “Manchester Siti”
- Xulian Alvares – “Atletiko Madrid”
Reytingda klassik markaziy hujumchilar bilan bir qatorda, qanotda o‘ynab hujumda faol ishtirok etadigan futbolchilar ham o‘rin oldi. Ayniqsa, Isak, Dyokeresh va Marmush kabi nomi kamroq tilga olinadigan futbolchilarning kuchli o‘nlikka kirgani, ularning so‘nggi mavsumdagi yorqin o‘yinini tasdiqlaydi.
Mbappening ushbu ro‘yxatda yetakchilik qilayotgani esa uning hozirgi holatda futbol olamidagi eng xavfli va samarali hujumchi ekanini yana bir bor isbotlaydi.
Izoh (0)