O‘zbekistonda do‘lana mavsumi odatda kuzning o‘rtalarida, sentyabr va oktyabr oylarida boshlanadi. Do‘lana o‘zining kichik, dumaloq shakli, qizil yoki sariq rangi bilan ajralib turadi va xalq orasida shifobaxsh meva sifatida mashhur. Uning tarkibidagi vitaminlar va antioksidantlar yurak-qon tomir tizimi uchun foydali.
O‘zbekistonda do‘lana, asosan, tog‘li hududlar, xususan, Farg‘ona vodiysi, Toshkent viloyati va Samarqand atroflarida o‘sadi. Mahalliy fermerlar va dehqonlar ushbu mevani yig‘ib, bozorlarga olib chiqadi. Do‘lana nafaqat yangi holatda iste’mol qilinadi, balki undan qoqi, murabbo, sharbat va shifobaxsh damlamalar ham tayyorlanadi.
Qishga tayyorgarlik sifatida do‘lanani yig‘ib, quritib qo‘yish urf bo‘lgan. Do‘lana mavsumi nafaqat meva yig‘ish va sotish, balki xalq tabobatida keng qo‘llaniladigan mahsulotni zaxiralash va undan turli taomlar tayyorlash davri hisoblanadi.
Rasmlar Toshkent shahri, “Eski Juva” dehqon bozori hududida olingan.
Izoh (0)