Olmaliq kon-metallurgiya kombinati tarkibidagi 3-mis boyitish fabrikasi qurilishida ishlayotgan ishchilar O‘zbekiston mustaqilligining 33 yilligini pulsiz kutib olgani xabar berilgandi.
Murojaatchilarning “Daryo”ga bildirishicha, 7—8-sentyabr kunlari fabrikani qurayotgan kompaniya — Enter Engineering ishchilariga maosh tarqatgan.
![](/static/2024/09/08/photo_2024-09-07_16-11-22-fkLGDz4N.jpg)
“May oyining 30 foiz qoldig‘i va iyun oyi maoshimizning 70 foizini berishmoqda. Boriga shukr”, deydi bu haqda tahririyatga ma’lum qilgan ishchi.
![](/static/2024/09/08/photo_2024-09-07_17-19-03-v9jIDDZx.jpg)
Murojaatchilarning bildirishicha, maoshlar dastlab kecha, 7-sentyabr kuni Olmaliq 3-mis boyitish fabrikasi qurilishida ishlayotgan ishchilarga, keyin Samarqand va Qorako‘ldagi ishchilarga tarqatilgan.
![](/static/2024/09/08/photo_2024-09-08_09-32-09-Du79QxIm.jpg)
Yana bir murojaatchining aytishicha, uning turmush o‘rtog‘i faqatgina iyun oyi uchun maoshining 70 foizini olgan. May oyida qolib ketgan qismi berilmagan.
![](/static/2024/09/08/photo_2024-09-08_09-36-59-ZpDEESsd.jpg)
“Oylikni shunaqa bo‘lib-bo‘lib barakasiz qilib tashlashadi. Turmush o‘rtog‘im bugun iyun oyi maoshining 70 foizini olib kelgandi. Ro‘zg‘or qildik va issiq kiyimlar oldik. Pul tugadi”, deydi u.
![](/static/2024/09/08/photo_2024-09-08_18-58-24-_37mgPMr.jpg)
Avvalroq kompaniyaning ism-familiyasini ochiqlasa, ishdan bo‘shatilishi yoki bosimga uchrashidan qo‘rqqan xodimlari ularga 2024-yilning may oyi uchun “avans” berilganini, o‘shandan beri maoshsiz ishlab kelayotganini aytgandi.
Olmaliq kon-metallurgiya kombinati axborot xizmatining “Daryo”ga bildirishicha, kombinat tarkibidagi 3-mis boyitish fabrikasi qurilishi Enter Engineering kompaniyasi tomonidan bajarilmoqda. Ishchilariga maoshini o‘z vaqtida bermasligi bilan jamoatchilikka yaxshi tanish bo‘lgan mazkur kompaniya axborot xizmati “Daryo” so‘roviga javob berar ekan, maoshlar sekin-asta berilayotganini aytib, shu mavzuni hozircha olib chiqmaslik haqida maslahat berish bilan cheklangandi.
Izoh (0)