Latviyaning Rezekne shahrida Rossiyaning harbiy droni qulab tushdi. Bu haqda mamlakat Mudofaa vazirligi xabar berdi.
![](/static/2024/09/08/photo_2024-09-08_18-18-55-ibphtq6z.jpg)
Dastlabki maʼlumotlarga ko‘ra, dron Latviya havo hududiga Belarus tomonidan uchib kirgan. Harbiylar dronni Latviya hududida aniqlagan va uning qulagan joyini topgan. Hozirda hodisa tergov qilinmoqda, NATO qo‘mondonligi holat yuzasidan xabardor qilingan. Latviya prezidenti Edgar Rinkevich ham dron qulaganini tasdiqlagan.
“NATOning sharqiy qanotida bunday hodisalar soni ortib bormoqda va biz ularni birgalikda hal qilishimiz kerak”, degan u.
Ukrainada urush boshlanganidan buyon Rossiya dronlari Latviya hududida qayd etilmagan. Yuqoridagi holat esa birinchisi hisoblanadi. Rossiya Mudofaa vazirligi hodisa yuzasidan izoh bermagan.
Izoh (0)