AKFA Group O‘zbekiston Mustaqilligining 33 yilligi bilan muborakbod etadi

AKFA Group barcha vatandoshlarni Mustaqillik bayrami bilan muborakbod etib, eng ezgu tilaklarni izhor etadi.

Bundan roppa-rosa 33 yil avval O‘zbekiston xalqi suveren va mustaqil taraqqiyot yo‘lini tanladi. Mustaqillik yillarda mamlakatimizda katta muvaffaqiyatlarga erishildi. Xususan, yalpi ichki mahsulot oshdi, iqtisodiyot barqaror o‘sib bormoqda, ishlab chiqarishning yangi yo‘nalishlari faol o‘zlashtirilmoqda. O‘zbekiston sport, ta’lim va boshqa sohalarda yuksak natijalarga erishmoqda, jahon miqyosida o‘z mavqeini mustahkamlamoqda.

Bugun mamlakatimiz milliy iqtisodiyot va xalqaro nufuzni yanada mustahkamlashga qaratilgan o‘z taraqqiyotining yangi bosqichiga qadam qo‘ymoqda.

Mustaqillik bayrami munosabati bilan, AKFA Group barcha vatandoshlarni chin qalbdan samimiy muborakbod etadi. Jonajon O‘zbekistonimizda tinchlik va barqarorlik, farovonlik va fayzu-baraka hukm sursin, xalqimiz hamjihatligi abadiy bo'lsin. Vatanimiz taraqqiyotiga hissa qo‘shish yo‘lida har birimizga Yaratganning o‘zi kuch-quvvat bersin.

Tez o‘zgarayotgan dunyoda global muammolar sharoitida mamlakatimizni har tomonlama yanada rivojlantirish jarayonida xususiy sektorning o‘rni muhim. Shu bois AKFA Group yangi loyihalarga sarmoya kiritib, butun mamlakat bo‘ylab yangi ish o‘rinlari yaratish, ilg‘or texnologiyalarni joriy etish va eksport geografiyasini kengaytirish orqali mamlakatning iqtisodiy va ijtimoiy yuksalishida ishonchli hamkor bo‘lishga intiladi.

AKFA Group shunga ishonadiki, xalqimiz birdamligi, mehr-oqibati va taraqqiyotga intilishi O‘zbekistonni yangi muvaffaqiyatlar sari yetaklaydi. Har bir yil jonajon yurtimizga yangi yutuqlar olib kelsin, har bir fuqaro ertangi kunga ishonchini his qilsin.

Reklama huquqi asosida.