Afg‘oniston muvaqqat hukumati Abdul G‘affor Tiraviyni O‘zbekistonga elchi etib tayinladi. Bu haqda Tashqi ishlar vazirligining uchinchi siyosiy departamenti direktori Zokir Jaloliy xabar berdi.
![](/static/2024/08/26/photo_2024-08-26_12-49-06-6G0RYJAN.jpg)
Yangi tayinlangan elchi tez orada Toshkentda o‘z vazifalarini boshlashi kutilmoqda. Jaloliy ikkala tomon ham bunga kelishib olganini aytgan. Shuningdek, u diplomatik munosabatlar darajasini oshirish bo‘yicha ayrim davlatlar bilan kelishuvlarga erishilganini ta’kidladi.
“O‘tgan uch yil davomida Islomiy Amirligi o‘zini barqaror va kuchli tuzum sifatida isbotladi, mintaqa va dunyo bu haqiqatni kundan-kunga chuqurroq anglab bormoqda. Yaqin kelajakda Abdul G‘affor Tiraviy ham Toshkentdagi elchi sifatida o‘z faoliyatini boshlaydi”, deydi Jaloliy.
“Ular foydaga erishish va zararning oldini olish uchun yaqinlashmoqda. Afg‘oniston bilan munosabat o‘rnatishga intilayotgan bu mamlakatlarning o‘z manfaatlari bor, Afg‘onistonning ham o‘z manfaatlari mavjud”, deya ta’kidladi siyosiy tahlilchi Abdul Shukur Dadras.
Shu bilan birga, “Tolibon”ning davlatlar bilan aloqalarini kengaytirish masalasida ayrim mutaxassislarning fikrlari turlicha.
“Hozirgi muvaqqat hukumat mamlakatlarning nafaqat ularni amalda tan olishi yoki siyosiy vakillarini qabul qilishiga erishishga, balki rasmiy legitimlikka ega bo‘lishimiz uchun ichki va xalqaro sharoitni yaratishga harakat qilmoqda”, dedi siyosiy tahlilchi Baqer Sayer.
“Biz shu yo‘nalishda davom etib, hozirgi vaziyat va yakkalanishdan chiqishimiz, o‘zimizni dunyoga sharafli va hurmatga sazovor mamlakat sifatida taqdim etishimiz va oldinga intilishimiz lozim”, deydi siyosiy tahlilchi Muhammad Aslom Danishmal.
Avvalroq Badruddin Haqqoniy Afg‘onistonning Birlashgan Arab Amirliklaridagi elchisi sifatida, Muhammad ul-Rahmon esa Ostonadagi elchixonaning muvaqqat ishlar vakili sifatida ish boshlagandi.
Izoh (0)