Razambek Jamalov Olimpiada g‘olibligi uchun berilgan avtomobillarni dog‘istonlik murabbiylariga sovg‘a qildi

Parij Olimpiadasida O‘zbekiston sharafini himoya qilgan Razambek Jamalov Dog‘istonga qaytdi.

Videoda aytilishicha, O‘zbekiston erkin kurash terma jamoasi a’zosi Razambekka federatsiya tomondan ikkita Li 7 avtomobili sovg‘a qilingan. 

Sportchi ushbu avtomobillarni murabbiylari — Musa Saydulbatalov va Adam Saytiyevga sovg‘a qildi. 

O‘z navbatida, dog‘istonlik tadbirkorlardan biri Razamga 5 million rubl taqdim etdi.

Parij Olimpiadasida Razambek finalda Yaponiya vakili Takatanini mag‘lub etib, oltin medalni qo‘lga kiritdi. 

Sportchiga 200 ming AQSH dollari, ikki qavatli hovli hamda Tahoe avtomobili sovg‘a qilingan.

Avvalroq sportchi Razambek Jamalov (74 kg) muxlislariga o‘zbek tilida murojaat qilib, o‘zbekistonliklar tomonidan yozilgan tarixning bir bo‘lagi ekanidan faxrlanishini aytgan.