Разамбек Жамалов Олимпиада ғолиблиги учун берилган автомобилларни доғистонлик мураббийларига совға қилди

Париж Олимпиадасида Ўзбекистон шарафини ҳимоя қилган Разамбек Жамалов Доғистонга қайтди.

Видеода айтилишича, Ўзбекистон эркин кураш терма жамоаси аъзоси Разамбекка федерация томондан иккита Li 7 автомобили совға қилинган. 

Спортчи ушбу автомобилларни мураббийлари — Муса Сайдулбаталов ва Адам Сайтиевга совға қилди. 

Ўз навбатида, доғистонлик тадбиркорлардан бири Разамга 5 миллион рубль тақдим этди.

Париж Олимпиадасида Разамбек финалда Япония вакили Такатанини мағлуб этиб, олтин медални қўлга киритди. 

Спортчига 200 минг АҚШ доллари, икки қаватли ҳовли ҳамда Tahoe автомобили совға қилинган.

Аввалроқ спортчи Разамбек Жамалов (74 кг) мухлисларига ўзбек тилида мурожаат қилиб, ўзбекистонликлар томонидан ёзилган тарихнинг бир бўлаги эканидан фахрланишини айтган.