“O‘ztemiryo‘lkonteyner” Hindistonning Mundra, Nhava Sheva va Chennay portlaridan O‘zbekistonga yangi multimodal yo‘nalishda konteyner tashuvlari yo‘lga qo‘yildi.
Sinov tariqasida amalga oshirilgan ushbu tashuvlar Hindistondan Eronning Bandar Abbas portiga dengiz orqali hamda Bandar Abbas portidan Sergeli stansiyasiga qadar temiryo‘l transportida olib kelindi.
Konteynerlar Bandar Abbas portidan Saraxs stansiyasiga qadar Eron platformalarida u yerdan esa “O'zbekiston temir yo‘llari” AJga qarashli platformalarga qayta yuklangan holda Turkmaniston orqali O‘zbekistonga yetkaziladi.
20 ta 20 futlik konteynerdan tashkil topgan yuk poyezdi umumiy temiryo‘l uzunligi 2673 km bo‘lgan masofani 20 kunda bosib o‘tdi. Kelgusida tashish muddatini 15 kunga qisqartirish rejalashtirilgan.
Izoh (0)