“Roma” futbolchisi Eldor Shomurodov Italiyaning boshqa klubiga o‘tishi mumkin.
O‘tgan mavsumda o‘zbekistonlik futbolchi “Kalyari”da ijara asosida o‘ynagandi. Biroq sardiniyaliklar transfer huquqi “Roma”ga tegishli bo‘lgan futbolchini sotib olmadi. Endi futbolchiga “Sampdoriya” klubi qiziqish bildirmoqda. Hozircha shartnoma tafsilotlari ma’lum emas.
O‘zbekistonlik futbolchi 2020/2021-yilgi mavsumda “Jenoa” safida to‘p surgan. O‘sha mavsumda sportchi A seriyada 8 ta gol urdi.
Agar Eldor Shomurodov “Sampdoriya”da o‘ynasa, o‘tmishda ajoyib futbolchi bo‘lgan Andrea Pirlo qo‘l ostida shug‘ullanish imkoniga ega bo‘ladi.
Avvalroq MLSning “Atlanta Yunayted” jamoasi klubi o‘z tarkibiga Eldor Shomurodovni qo‘shib olishi mumkinligi xabar berilgan edi.
Izoh (0)