Parij Olimpiadasida 66 kilogrammgacha vazn toifasida musobaqa chempioni bo‘lgan jazoirlik bokschi Iman Halifga Jazoir prezidenti Abdulmajid Tebbun tomonidan mukofot topshirildi. Bu haqda Sportchi o‘zining Instagram sahifasi orqali ma’lum qildi.
“Bugun respublika prezidenti Abdulmadjid Tebbun meni “Davlat xizmatlari uchun” ordeni bilan taqdirladi”, — deb yozdi Halif ijtimoiy tarmoqda.
Ma’lumot uchun, gender testlaridan o‘ta olmagan Halif va Yuting 2023-yilgi Jahon chempionatida ishtirok etishdan chetlashtirilgandi. Sportchilarning natijalarida XY xromosomalari topilgan. Xalqaro Olimpiya qo‘mitasi qizlarga Olimpiadada ishtirok etishga ruxsat berdi.
Iman 2024-yilgi Olimpiada finalida Xitoy vakili Yang Liuni mag‘lub etdi. Ushbu g‘alaba Jazoirning ayollar boks tarixidagi Olimpiya o‘yinlaridagi birinchi g‘alabasi bo'ldi. E’tiborlisi, o‘yinlarda Imanning ishtiroki tufayli janjal kelib chiqdi. Bu italiyalik bokschi Anjela Karini 1/8 final bosqichida Halif bilan jangni davom ettirishdan bosh tortganidan keyin yuz berdi. Jang boshlanganidan 46 soniya o‘tib yakunlandi. Karini ko‘z yoshlari bilan ringni tark etgandi.
Izoh (0)