Disney nafaqat Selena Gomesga, balki boshqa ko‘plab yulduzlarga ham shou-biznes eshiklarini ochdi. Avvaliga ular o‘smirlar haqidagi teleseriallarda ishtirok etishadi, keyin esa millionlab odamlarning kumirlariga aylanishadi.
Selena Gomes
Mashhur “Veyverli Pleys sehrgarlari” serialida bosh rolni o‘ynaguniga qadar Selena Gomesni aktrisa sifatida deyarli hech kim bilmasdi. Ammo oddiygina qiz bir zumda yulduzga aylanadi. U boshqa filmlarga ham takliflar ola boshlaydi.
O‘sha paytda Gomes atigi uch yil davom etgan Selena Gomes&the Scene guruhining a’zosi edi. Ammo keyin qo‘shiqchi dunyo chartlarini portlatib, yakkaxon karyerasini boshlaydi.
Bugungi kunga qadar Selena “hammaning og‘zidagi” eng mashhur qo‘shiqchilardan biri hisoblanadi.
Mayli Sayrus
Agar “Hanna Montana”ni tomosha qilsangiz, Mayli Sayrus nima uchun mashhur bo‘lganini bilasiz. Chunki Disney’ning bu seriali barcha rekordlarni yangilaydi va ko‘plab aktyorlarga olamshumul mashhurlik keltiradi. Aynan shu serialda Sayrus birinchi qo‘shig‘ini ijro etadi. Disney hatto mashhur kompozitsiyalardan iborat alohida albom chiqaradi.
Demi Lovato
“Barni va uning do‘stlari” multfilmi Demining kino karyerasidagi boshlanish nuqta bo‘ladi. Ammo haqiqiy mashhurlikka sabab bo‘lgan narsa Disney kanalining “Rok yozgi oromgohda” filmi bo‘lib, kinokartinada u mashhur aka-uka Jonaslar bilan rol o‘ynagan. Aktrisalik karyerasiga qo‘shimcha ravishda, yulduz musiqa sanoatiga o‘tadi. Birinchi debyut albomi “Don’t Forget” darhol Billboard 200 chartida ikkinchi o‘rinni egallaydi.
Hozirda xonandaning qo‘shiqlari juda mashhur. Uning Qo‘shma Shtatlarda 24 milliondan ortiq plastinkasi sotilgan, xonanda ko‘plab mukofotlarga, jumladan, MTV Video Music Award mukofotiga sazovor bo‘lgan. Bundan tashqari, Demi teledastur tarixidagi X Factor hakamlar hay’atining eng yosh a’zosiga aylanib, Ginnesning rekordlar kitobini yangilashga muvaffaq bo‘ladi.
Aka-uka Jonaslar
“Hanna Montana”da paydo bo‘lishidan oldin ham aka-uka Jonaslar juda mashhur edi va filmda suratga tushish ularning Disney bilan hamkorligining boshlang‘ich nuqtasi bo‘ladi. Keyin aka-uka alohida seriallarda rol o‘ynashadi, bu esa ularning mashhurligini yanada oshiradi. Aynan o‘sha paytda qo‘shiqchilar yakkaxon karyeralarini qurishni boshlaydi. Ammo bu uzoq davom etmaydi, ularning guruhi faqat bir necha yil faoliyat yuritadi xolos.
Keyinchalik Jonas Brothers’ning ajralishi katta rezonansga sabab bo‘ldi, ammo Kevin, Jo va Nik ajoyib yakkaxon karyera qurishga muvaffaq bo‘ladi — hozir ular har qachongidan ham mashhur.
Izoh (0)