Rossiya mudofaa vaziri Andrey Belousov amerikalik hamkasbi Lloyd Ostin bilan suhbatda unga “juda jiddiy ogohlantirish” berdi. Bu haqda “TASS” xabar berdi.
Rossiya tashqi ishlar vaziri o‘rinbosari Sergey Ryabkov bu haqda ma’lumot bergan. Diplomat ogohlantirish Kiyev va Vashington harakatlari tufayli “nazorat qilib bo‘lmaydigan keskinlashuv” haqida borganini aytdi.
“Rossiya tomoni Vashingtonning bevosita ishtirokisiz tasavvur qilib bo‘lmaydigan, Kiyev tomonidan yuzaga kelishi mumkin bo‘lgan yangi provokatsiyalar haqida juda jiddiy ogohlantirish yubordi. Ushbu ogohlantirish butunlay boshqarib bo‘lmaydigan oqibatlarga olib keladigan xavfli eskalatsiyaning oldini olish uchun qilingan”, dedi Sergey Ryabkov.
Vazir o‘rinbosari Rossiya va AQSH vakillari o‘rtasidagi barcha aloqalar davlat va diplomatik me’yorlarga ko‘ra, faqat utilitar maqsadlarni ko‘zlashini aytgan.
Andrey Belousov va Lloyd Ostin o‘rtasidagi telefon suhbati 12-iyul kuni bo‘lib o‘tdi. The New York Times gazetasi Rossiya mudofaa vaziri va Pentagon rahbari suhbatidan ko‘p o‘tmay, tomonlar Ukrainaning Rossiyaga qarshi tayyorlanayotgan “maxfiy operatsiyasi”ni muhokama qilganini yozdi.
Izoh (0)