Mashhurlar va badavlat aktyorlarning aksariyati ovqatlanish tartibiga qat’iy rioya etadi va bu masalaga doimo mas’uliyat bilan yondashadi. Shuning uchun ayrim turdagi mahsulotlarni ratsiondan butunlay olib tashlaydi. Ushbu maqolada shou-biznes olamining mashhur namoyondalari yoqtirmagan va doimo cheklagan mahsulotlar haqida so‘zlab berdi.
Heyli Biber
Amerikalik model va tadbirkor Heyli Biber odatda ovqat tanlamaydi. Balki homiladorlik unga o‘z ta’sirini o‘tkazgandir. Hozirda Heyli umuman yemaydigan ko‘kat bor — bu koriandr (kashnich). Biber undan shunchalik nafratlanadiki, u restoranda buyurtma qilgan barcha salatlarni diqqat bilan tekshirib chiqadi.
Kendall Jenner
“Kardashyanlar oilasi” realiti shousi ishtirokchisi va amerikalik model Kendal Jenner bananni umuman yoqtirmaydi. Ma’lum bo‘lishicha, bolaligida uning otasi har kuni va muntazam banan yer, mevaning hidi esa Kendallning ko‘nglini buzadigan darajaga kelar edi.
“Dadam har kuni banan yeri: Kayli bilan meni maktabga olib borganida ham, bizni uyga olib ketganida ham, golf o‘ynaganida ham... shu sababli uning hidi asabimni qo‘zg‘ay boshlaydi”, deya tan oladi Jenner.
Kortni Kardashyan
Kortni xonadonida bir necha yillardan beri suv taqiqlangan. Aniqrog‘i, plastik butilkalardagi suv xarid qilish mumkin emas. Kardashyan bu qaror orqali atrof-muhitni muhofaza qilishni maqsad qilgan. Bu masalada u hatto singlisi Kim bilan janjallashib qolgan.
Zendeya
“Dyuna” filmi yulduzi Zendeya bir necha yil avval go‘sht yemay qo‘ygan. Vegeterian bo‘lish unchalik qiyin ish bo‘lmasa-da, aktrisaga bu qaror oson kechmadi. Chunki Zendeya sabzavotlarning aksariyatini yoqtirmaydi, ammo achchiqqina lapshaga yo‘q demaydi.
“Men sabzavotlarni yoqtirganim uchun emas, balki hayvonlarni yaxshi ko‘rganim va ularga rahmim kelgani uchun vegetarian bo‘lishni tanladim”, deydi aktrisa.
Mila Kunis
Gollivud aktrisasi Mila Kunis bolaligida Amerikaga ko‘chib o‘tgandan so‘ng, uning oilasi bir necha yil davomida moliyaviy qiyinchiliklarni boshidan o‘tkazdi. Shuning uchun aktrisa deyarli har kuni pitssa iste’mol qilgan (AQSHda pitssa eng arzon ko‘cha taomlaridan biri hisoblanadi).
“Farzandlarimning bari pitssani sevib iste’mol qiladi, turmush o‘rtog‘im ham yaxshi ko‘radi. Ammo menda aksincha.
Xloyi Kardashyan
Tadbirkor va biznes-ledi Xloyi Kardashyan ham vegetarianlik tomon asta qadam tashlamoqda, xususan, u cho‘chqa go‘shtidan butunlay voz kechdi. Uning so‘zlariga ko‘ra, bir marta cho‘chqa go‘shti yegandan ko‘ra bir necha kilogrammga semirgan afzal.
Tayra Benks
Amerikalik model va shou boshlovchisi Tayra Benks do‘stlarining aytishicha, u dengiz chig‘anoqlarini hech qachon yemaydi. Supermodelning noodatiy dengiz mahsulotlariga sira xushi yo‘q.
Izoh (0)