Raqobatni rivojlantirish va isteʼmolchilar huquqlarini himoya qilish qo‘mitasi tomonidan “MAXAM-Chirchiq” AJda ishlab chiqarilgan mineral o‘g‘it mahsulot narxlarini shakllantirishda amaldagi normativ hujjatlarga rioya etilmagani aniqlandi.
Natijada mahsulot narxlari asossiz oshgan. Mineral o‘g‘it mahsulotlari narxlari o‘rtacha 10 foizdan 15 foizgacha oshishiga sabab bo‘lgan.
Yuqoridagilarga ko‘ra, Raqobat qo‘mitasi tomonidan “MAXAM-Chirchiq” AJga nisbatan “Raqobat to‘g‘risida”gi qonun talablari buzilishi alomatlari bo‘yicha ish qo‘zg‘atilgan.
Ushbu aniqlangan omillar qishloq xo‘jaligi korxonalari (klaster, fermer, dehqon va boshqalar)ga bevosita taʼsir qilib, qishloq xo‘jaligi mahsulotlari narxlari oshishiga olib kelishi mumkin.
Qo‘zg‘atilgan ish o‘rnatilgan tartibda ko‘rib chiqilib, qaror qabul qilingandan so‘ng qo‘shimcha axborot beriladi, — deyiladi xabarda.
Avvalroq narxlarni sunʼiy oshirish yo‘li bilan katta miqdorda daromad olgan “Navoiyazot” AJga nisbatan chora ko‘rilgani to‘g‘risida xabar berilgandi.
Izoh (0)