Toshkent viloyati IIBB Yo‘l harakati xavfsizligi boshqarmasi transport vositasini soatiga 156 kilometr tezlikda boshqargan ayolga chora ko‘rdi.
Ijtimoiy tarmoqlar Equinox mashinasini Angren shahri “Gurum” mahallasi ko‘chalarida soatiga 156 kilometr tezlikda boshqargan va holatni videoga olib Instagramʼdagi sahifasiga joylagan ayol videosi tarqaldi.
Qayd etilishicha, YHXB xodimlari tomonidan Equinox mashinasi va uni juda katta tezlikda boshqargan ayol topilgan. Unga Ma’muriy javobgarlik to‘g‘risidagi kodeksning tegishli moddalari bilan ma’muriy bayonnoma tuzilgan.
Mashinani ijaraga olgan ayol uni aholi punktlarida soatiga 157 kilometr tezlikda boshqarish mumkin emasligini bilmasligini ta’kidlagan.
Avvalroq ijtimoiy tarmoqlarda Toshkentning Chilonzor tumani, Bunyodkor shohko‘chasi bo‘ylab davlat raqam belgisi 01 F 222 FB bo‘lgan Tracker-2 avtomashinasi haydovchisi yuqori tezlikda harakatlangani aks etgan videolar tarqalgan edi.
Izoh (0)