Kanadalik kino va teatr aktyori, kinoprodyuser Donald Sazerlend uzoq davom etgan xastalikdan so‘ng 88 yoshida Mayamida vafot etdi.
Donald Sazerlend 1935-yilda Kanadada tavallud topgan. Kinodagi faoliyatini 1960-yillarda Britaniya teleseriallari, jumladan, “Qasoskorlar” loyihasi bilan boshlagan. U o‘z faoliyati davomida 150 dan ortiq filmda, jumladan, “Harbiy dala gospitali” komediyasi, “Klyut” trilleri, “Oddiy odamlar”, “Manfaatli taklif” hamda “G‘urur va andisha” filmlarida suratga tushgan va Amerika kinoakademiyasining faxrli “Oskar” mukofoti laureati bo‘lgan.
Sazerlend 1967-yilda Gollivudga ko‘chib kelgan. U “Hayot-mamot” franshizasida yovuz prezident Snou obrazini gavdalantirgan. Kino sanoatidagi faoliyati davomida aktyor “Emmi”, “Oltin globus” kabi faxriy mukofotlarni ham qo‘lga kiritgan.
Donald Sazerlend o‘limi munosabati bilan marhumning o‘g‘li Kifer Sazerlend, Xelen Mirren, rejissyor Ron Xovar va Tom Blit va boshqalar o‘z hamdardligini bildirdi.
Izoh (0)