Janubiy Koreyaning Samsung Electronics kompaniyasi xodimlari kompaniyaning 55 yillik tarixida birinchi marta ish tashlash e’lon qildi. Bu haqda BBC xabar berdi.
Ma’lum bo‘lishicha, kompaniya xodimlari shu tarzda yuqori maosh olishga intilmoqda.
Ish tashlash Samsung Electronics xotira chiplarini ishlab chiqarish bo‘yicha boshqa texnologiya kompaniyalari orasida ustunlik uchun kurashayotgan paytga to‘g‘ri keldi, — deyiladi xabarda.
Uyushma rasmiylarining ta’kidlashicha, texnologiya giganti rahbariyati bilan ish haqini oshirish va bonuslar bo‘yicha bir necha bosqich muzokaralar muvaffaqiyatsizlikka uchragan. Samsung ish tashlash kompaniyaning ishlab chiqarish va biznes faoliyatiga ta’sir qilmaganini aytgan.
Biz ittifoq bilan samimiy hamkorlik qildik va birgalikda muzokaralarni davom ettiramiz, — deydi kompaniya vakillaridan biri.
Avvalroq Samsung 12 nanometrli texnologiya yordamida yaratilgan va soniyasiga 10,7 gigabit tezlikda axborot uzatishni ta’minlovchi sun’iy intellekt uchun o‘zining maxsus xotira chipini taqdim etgan edi.
Ma’lum bo‘lishicha, dunyodagi ilg‘or mikrochiplarning aksariyati faqat ikkita davlatda ishlab chiqariladi: Tayvan va Janubiy Koreya. Nashrga ko‘ra, Janubiy Koreya sanoati kattaroq va ustunroq bo‘lgan Tayvanga qarshi chiqishga intilmoqda.
Izoh (0)