Жанубий Кореянинг Samsung Electronics компанияси ходимлари компаниянинг 55 йиллик тарихида биринчи марта иш ташлаш эълон қилди. Бу ҳақда BBC хабар берди.
Маълум бўлишича, компания ходимлари шу тарзда юқори маош олишга интилмоқда.
Иш ташлаш Samsung Electronics хотира чипларини ишлаб чиқариш бўйича бошқа технология компаниялари орасида устунлик учун курашаётган пайтга тўғри келди, — дейилади хабарда.
Уюшма расмийларининг таъкидлашича, технология гиганти раҳбарияти билан иш ҳақини ошириш ва бонуслар бўйича бир неча босқич музокаралар муваффақиятсизликка учраган. Samsung иш ташлаш компаниянинг ишлаб чиқариш ва бизнес фаолиятига таъсир қилмаганини айтган.
Биз иттифоқ билан самимий ҳамкорлик қилдик ва биргаликда музокараларни давом эттирамиз, — дейди компания вакилларидан бири.
Аввалроқ Samsung 12 нанометрли технология ёрдамида яратилган ва сониясига 10,7 гигабит тезликда ахборот узатишни таъминловчи сунъий интеллект учун ўзининг махсус хотира чипини тақдим этган эди.
Маълум бўлишича, дунёдаги илғор микрочипларнинг аксарияти фақат иккита давлатда ишлаб чиқарилади: Тайван ва Жанубий Корея. Нашрга кўра, Жанубий Корея саноати каттароқ ва устунроқ бўлган Тайванга қарши чиқишга интилмоқда.
Изоҳ (0)