Moskva sharqidagi Martenovskaya ko‘chasida joylashgan ishlab chiqarish omborida yong‘in kelib chiqdi. Yong‘in maydoni 4 ming kvadrat metrni tashkil etmoqda. Bu haqda “RIA Novosti” xabar berdi.
Dastlab yong‘in maydoni 2000 kvadrat metrni tashkil qilgan, biroq keyinchalik ko‘rsatkich ikki baravarga oshgan.
“Moskva sharqidagi yong‘inni o‘chirishda 120 dan ortiq kishi va 40 ta texnika, jumladan, Moskva aviatsiya markazining Ka-32 vertolyoti ishtirok etmoqda. Yong‘inni o‘chirish ishlari davom etmoqda. Maydoni to‘rt ming kvadrat metrga yetdi. Yong‘inning tez tarqalishiga bino ichidagi kuchli alanga va binoning dizayn xususiyatlari sabab bo‘lmoqda”, — deyiladi Rossiya Favqulodda vaziyatlar vazirligi xabarida.
Ta’kidlanishicha, Ka-32 vertolyoti 15 marta suv tashib, yong‘inni o‘chirishga jami 75 tonna suv sarflagan. Bundan tashqari, Moskva aviatsiya markazining Mi-26 vertolyoti shay holatga keltirilgan. Yong‘inga uchinchi murakkablik darajasi berilgan. Hodisaga nima sabab bo‘lgani noma’lum.
Izoh (0)