Toshkent shahrida Respublikaning boshqa hududlari singari o‘tkazilgan “Dolzarb 40 kunlik” maxsus profilaktik tadbirlari doirasida ushlangan uch kishiga hukm o‘qildi.
Ma’lum qilinishicha, IIBB va boshqa huquqni muhofaza qiluvchi organlar bilan hamkorlikda poytaxt hududida kriminogen vaziyatni yaxshilash yuzasidan o‘tkazilgan tezkor tadbirlar davomida bir nechta jinoyatlarni sodir etgan shaxslar ushlanib, jinoyat uchun jazo muqarrarligi prinsipi ta’minlangan.
Toshkent shahar IIBB tomonidan qo‘zg‘atilib tergov qilingan jinoyat ishi bo‘yicha tergov harakatlari yakunlanib, jinoyat ishi ayblov xulosasi bilan sudga yuborilgan. Toshkent shahar sudlari matbuot xizmati xabariga ko‘ra, Jinoyat ishlari bo‘yicha Mirobod tumani sudining 30-aprel kunidagi hukmi bilan 1987-yilda tug‘ilgan Sabirdjanov Xasan Abdusamatovich Jinoyat kodeksining 277-moddasi 3-qismi “a” bandi, 168-moddasi 2-qismi “b” bandi bilan aybli deb topilib, to‘rt yil to‘qqiz oy muddatga ozodlikdan mahrum qilish jazosi tayinlangan.
Jinoyat ishlari bo‘yicha Mirobod tumani sudining 30-aprel kunidagi hukmiga bilan 1987-yilda tug‘ilgan Sabirdjanov Xusan Abdusamatovich Jinoyat kodeksining 277-moddasi 3-qismi “a” bandi, 168-moddasi 2-qismi “b” bandi bilan aybli deb topilib, to‘rt yil o‘n oy muddatga ozodlikdan mahrum qilish jazosi tayinlangan.
Jinoyat ishlari bo‘yicha Uchtepa tumani sudining 3-may kunidagi hukmiga ko‘ra, 1977-yilda tug‘ilgan Urazov Marat Pulatovich Jinoyat kodeksining 168-moddasi 3-qismi “b” bandi bilan aybli deb topilgan. Yetkazilgan moddiy zarar to‘liq qoplangani inobatga olinib, ish haqining 25 foizi davlat daromadi hisobiga ushlab qolingan holda bir yil to‘qqiz oy yigirma yetti kun muddatga axloq tuzatish ishlari jazosi tayinlangan.
Izoh (0)