Toshkent tumanida suv krani uchun o‘rnatilgan kichik o‘raga tushib ketgan 5 yoshli bola qutqarildi. Bu haqda FVV xabar berdi.
Holat Toshkent tumani “M.Fozilov” mahallasida joylashgan uylarning birida sodir bo‘lgan. Ushbu uy egasining 5 yoshli nabirasi ehtiyotsizlik va nazoratdan chetda qolgani sababli hovlisidagi suv krani uchun o‘rnatilgan kichik o‘raga tushib ketib, tizza bo‘g‘imlari bukilgan holda siqilib qolgan.
Dastlab uy egalarining o‘zlari bolani o‘radan chiqarib olishga harakat qilishgan, ammo barcha ishlar samarasiz bo‘lgan. Shundan so‘ng zudlik bilan aytilgan manzilga yetib borgan qutqaruvchilar maxsus qutqaruv asbob-anjomlari yordamida o‘radan bolani hech qanday talafotlarsiz, sog‘-salomat chiqarib olib, yaqinlariga topshirgan. Bolaning ahvoli yaxshi bo‘lgani sababli tibbiyot xodimlariga murojaat qilinmagan.
Izoh (0)