Россия ташқи ишлар вазири Сергей Лавров Тожикистон Ташқи ишлар вазирлиги раҳбари Сирожиддин Мухриддин билан 30 апрель куни телефон мулоқоти ўтказган. Бу ҳақда Central Асиа нашри хабар берди.
Манбада айтилишича, Сергей Лавров текширувлар сабабини терроризмга қарши кураш тадбирлари кучайтирилгани билан изоҳлаган. Мамлакат ичида хавфсизлик даражасини оширишга қаратилган чоралар моҳиятини тушунтиришга ҳаракат қилган.
29 апрель куни Тожикистон Ташқи ишлар вазирлиги мамлакатда фаолият юритувчи Россия элчисига тожик фуқаролари ҳуқуқлари бузилгани юзасидан норозилик нотаси топширган эди. Россия Ташқи ишлар вазирлиги матбуот котиби Мария Захарова ушбу нотага муносабат билдириб, Тожикистон фуқаролари чегарани кесиб ўтишда дуч келаётган қийинчиликлар Марказий Осиё ҳудудида терактдан кейинги хавфсизлик талаблари кучайтирилгани билан боғлиқ эканлиги, Россия бундан ноҳақ чекловлар ўрнатишдан манфаатдор эмаслигини маълум қилган эди.
Сергей Лавров Тожикистон хорижий идорасига мурожаат қилиб, текширувлар вақтинчалик эканлигини билдирган. Бир муддат ўтгач мамлакатга кириш талаблари яна соддалаштирилиши билдирган.
“Томонлар Россия-Тожикистон ўртасидаги вақт синовидан ўтган стратегик шериклик ва иттифоқчилик муносабатларини мустаҳкамлаш, уларнинг ижобий динамикасини сақлаб қолиш ва кафолатлаш зарурлиги тўғрисида умумий фикрда”, — дейилади Россия ТИВ матбуот хизмати хабарида.
Маълумот ўрнида, 22 март куни бир неча қуролли шахслар Москва чеккасидаги Crocus City Hall концерт залига бостириб кириб, тинч аҳолига ўт очган эди. Ҳужум оқибатда 145 киши ҳалок бўлган, 500 дан ортиқ киши яраланган. Концерт биноси тўлиқ ёниб, том қисми қулаб тушган. Теракт юзасидан суриштирув жараёнида жами 12 киши ,асосан, Тожикистон фуқаролари ҳибсга олинган.
Изоҳ (0)