Toshkent shahrida may va avgust oylarida maktab hamda oliy ta’lim muassasalari bitiruvchilari uchun “Toshkent bitiruvchi va talaba yoshlar loyihasi”ni o‘tkaziladi. Bu haqda Toshkent shahar hokimligi axborot xizmati “Daryo”ga ma’lum qildi.
Ta’kidlanishicha, joriy yilda Toshkent shahrida jami 33 ming nafar o‘quvchi yoshlar 11-sinfni bitiradi.
“Toshkent shahar hokimligi va Oliy ta’lim, fan va innovatsiyalar vazirligi maktab bitiruvchilari va talaba yoshlarni qamrab olgan “Toshkent bitiruvchi va talaba yoshlar loyihasi”ni o‘tkaziladi.
Loyiha doirasida maktab bitiruvchilarining o‘zlari qiziqqan sohada ta’lim olishlari uchun tegishli oliy ta’lim muassasalariga yo‘naltirish, kasb-hunarga qiziqishi bor yoki xorijda ta’lim olmoqchi bo‘lgan yoshlarga sharoit yaratib berish nazarda tutilgan. Shu maqsadda turli tadbirlar, oliy ta’lim muassasalari hamda kompaniya va biznes vakillari bilan uchrashuvlar, mahorat darslari kabi ko‘plab tadbirlar o‘tkaziladi”, — deyiladi poytaxt hokimligi axborotida.
Bunda talabalarni:
- mehnat bozorida o‘z o‘rnini topishga yordam berish,
- ish beruvchi o‘rtasida ro‘y berishi mumkin bo‘lgan muammolarni tahlil qilish, ularga yechimlarni topishda ko‘maklashish,
- loyiha, g‘oya va ilmiy ishlanmalar bo‘yicha platformalar yaratish rejalashtirilgan.
Shuningdek, loyiha doirasida sport musobaqalari, turli ko‘ngilochar dasturlar, tog‘ yonbag‘irlarida talabalar sayllari, ko‘rgazmalar, konsert va shou-dasturlari ko‘zda tutilgan.
Izoh (0)