Andijon viloyati hokimi Shuhrat Abdurahmonov AQSHning O‘zbekistondagi elchisi Jonatan Xenik bilan uchrashuv o‘tkazdi. Bu haqda viloyat hokimligi matbuot xizmati xabar berdi.
Maʼlum qilinishicha, uchrashuvda taʼlim sohasini rivojlantirish, ingliz tilini o‘rgatishni yanada rivojlantirish, Andijon chet tillari va Andijon davlat universiteti bilan hamkorlik qilish masalalari ko‘rib chiqilgan. Unda andijonlik ustozlarni malaka oshirish maqsadida okean ortiga yuborish taklifi muhokama etilgan.
Unga ko‘ra, Andijondagi professor o‘qituvchilarni malaka oshirish uchun 5 oy muddatga Amerikaga yuborish rejalashtirilmoqda.
Bundan tashqari, tibbiyot sohasini yanada rivojlantirish, shifokorlarning malakasini oshirish bo‘yicha bir nechta loyihalar xususida so‘z bordi.
Shuningdek, Andijon va Amerikadagi shaharlar o‘rtasida “Birodarlashgan shaharlar” maqomini olish to‘g‘risida bir qancha masalalar muhokama qilib olindi.
Izoh (0)