Rossiyaning Qrimdagi kemalaridan biriga uchirilgan raketa urib tushirildi. Bu haqda Moskva tomonidan anneksiya qilingan Qrimga tayinlangan Sevastopol gubernatori Mixail Razvojayev xabar berdi.
Raketa parchalari kichik yong‘inga sabab bo‘lgan va tezda o‘chirilgan. Ijtimoiy tarmoqlarda Sevastopolda kema yonayotgani aks etgan video tarqalgan. Shundan so‘ng, Qrim ko‘prigida transport harakatlanishi to‘sib qo‘yilgan, biroq keyinchalik u qayta tiklangan.
“Ertalab shimoliy tomondagi kemalardan birida harbiylar kemaga qarshi raketa hujumini qaytardi”, — deydi Razvojayev.
Ukraina harbiylari Qora dengiz floti kemasiga qilingan hujum yuzasidan ma’lumot bermagan.
Izoh (0)