Ko‘pchilik sevimli ertaklarining kinoversiyalarini sevib tomosha qiladi. Shu sababdan ham turli mamlakatlarda har bir ertak o‘ziga xos tarzda ijro etiladi.
Qor malikasi
- Andersenning “Qor malikasi” ertagining ko‘plab kinofilmlari mavjud. Eng mashhurlaridan biri bu — Alisa Frendlix ijro etgan “Qor malikasi siri”.
- 2002-yilda ertakning Brijit Fonda o‘ynagan yanada zamonaviy versiyasi suratga olingan.
- Bu ertak osiyolik kino ijodkorlarini ham ilhomlantirgan. 2006-yilda Koreyada “Qor malikasi” seriali chiqadi. Uning syujeti originalidan juda uzoq, unda sehrdan foydalanilmaydi.
Qurbaqa malika va qurbaqa shahzoda
- “Qurbaqa malika” xalq ertagining kino versiyasi 1939-yilda suratga olingan, Valentina Sorogojskaya go‘zal Vasilisa rolini o‘ynagan.
- Boshqa mamlakatlarda odatda erkaklar qurbaqaga aylangan bo‘ladi. 1986-yilda “Qurbaqa shahzoda” filmi chiqadi. Filmda malika Zora sehrlangan shahzodani o‘padi va undan la’natni olib tashlaydi.
- Ertakning sharqona versiyasi ham bor — “Ishq jodusi” seriali. Serialda hech qanday sehr yo‘q, bu shunchaki boy ota-onaning erkatoy o‘g‘li xotirasini yo‘qotib, mehribon va oqko‘ngil yigitga aylanishi haqidagi serial.
Qizil qalpoqcha
- Ko‘pchilik 1977-yilda suratga olingan “Qizil qalpoqcha haqida” nomli filmni biladi.
- 2011-yilgi Gollivud versiyasida Valeri qahramoni qishlog‘ida bo‘riga aylanib qolgan yigitni qidirishga harakat qiladi.
- Ammo “Qizil qalpoqcha” (2003) dahshatli filmi Italiyada suratga olingan. Film ijodkorlari asl syujetdan juda uzoqlashib ketgan. Bosh qahramon Jenni va uning bo‘ri niqobidagi odamga aylangan iti Rimda adolatni tiklashga harakat qiladi.
Oppog‘oy
- Aka-uka Grimmlarning mazkur ertagi bir necha marta suratga olingan. Eng mashhur filmlardan biri bu — Lili Kollinz bosh rolni ijro etgan “Oppog‘oy va mittilar qasosi” filmi.
- “O‘lik malika va yetti bahodir haqidagi ertak” filmi syujet nuqtayi nazaridan Pushkinning “Oppog‘oy”iga juda o‘xshaydi. Ushbu asar asosida 1987-yilda “Kuzgi qo‘ng‘iroqlar” filmi suratga olingan.
- Ispanlar ham “Oppog‘oy”ni o‘ziga xos tarzda ijro etishgan. Bu kartina oq-qora ovozsiz filmga o‘xshaydi.
Maxluq
- “Sohibjamol va maxluq” ertagiga asoslangan eng mashhur filmlardan biri bu — Emma Uotsonning Bell rolidagi versiyasidir. Uning partnyori Den Stivens bo‘lgan.
- Biroq 1946-yilda bu ertak fransuzlar tomonidan ham suratga olingan.
- 2014-yilda Germaniya va Fransiya hamkorligida sehrlangan shahzoda rolini Vinsent Kassel o‘ynagan “Sohibjamol va maxluq” filmi ekranlarga chiqadi. Shunisi e’tiborga loyiqki, har uchala film ham asosiy voqealar chizig‘ini saqlab qoladi va faqat detallarda farq qiladi.
Jodugar Morgana
- Morgana — qirol Artur haqidagi afsonaning qahramoni. Filmlarda bu sehrgar ham ijobiy, ham salbiy xarakterga ega bo‘lishi mumkin. Misol uchun, Britaniyaning “Merlin” teleserialida Morgana dastlab yaxshi sehrgar edi, ammo vaqt o‘tishi bilan u yovuz jodugarga aylanadi.
- Irlandiyaning “Kamelot” serialida esa Morgana boshidanoq qora sehrdan foydalanadigan salbiy qahramon bo‘ladi.
Oppog‘oyning yovuz o‘gay onasi
- “O‘lik malika va yetti bahodir haqida ertak” filmi “Oppog‘oy”ga juda o‘xshaydi. Bosh qahramonning o‘gay onasi rolini Lyudmila Drebneva ijro etgan.
- Gollivudning “Oppog‘oy va ovchi” filmida qirolicha Ravenna bor. Bu rolni Sharliz Teron o‘ynagan. Boshidanoq qahramon qizlarning yoshligi bilan oziqlanadigan va shu bilan o‘zining go‘zalligini saqlaydigan yovuz jodugar bo‘ladi.
- “Oppog‘oy va mittilar sehri”ning 2019-yilgi nemis versiyasi asl ertakka juda o‘xshaydi, ammo finalda mittilar qal’aga gapiradigan oynani olib kelishadi, u esa yovuz o‘gay onani fosh qiladi.
Izoh (0)