Toshkentning Bektemir, Uchtepa va Mirzo Ulug‘bek tumanlarida 2-aprel kuni “svet” vaqtincha o‘chiriladi. Bu haqda “Toshkent shahar elektr tarmoqlari” MCHJ matbuot xizmati xabar berdi.
Maʼlum qilinishicha, bunga isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish hamda mavjud elektr qurilmalarida taʼmirlash ishlari sabab bo‘ladi.
Shu boisdan ertaga, 2-aprel kuni quyidagi manzillarda elektr taʼminoti vaqtincha o‘chirildi:
- Bektemir tumani: “Abay” MFYning ayrim hududlarida soat 10:00 dan 17:00 gacha;
- Uchtepa tumani: “Zarafshon” MFYning ayrim hududlarida soat 10:00 dan 17:00 gacha;
- Mirzo Ulug‘bek tumani: “Alisherobod”, “Temuriylar” va “Ijodkor” MFYlarining ayrim hududlarida soat 09:00 dan 17:00 gacha.
“O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligini bildirib o‘tamiz”, – deyiladi xabarda.
Izoh (0)