Braziliyalik sobiq futbolchi Robinyo qamoq jazosini o‘z yurtida o‘taydi.
2017-yilning noyabrida braziliyalik hujumchi Italiya sudi tomonidan jinsiy zo‘ravonlikda ayblanib, 9 yilga ozodlikdan mahrum etilgan edi. 2022-yil yanvar oyida uning apellyatsiyasi rad etildi; o‘sha yilning fevral oyida Italiya Robinyoni hibsga olish uchun xalqaro order bergan.
2023-yilning fevral oyida Braziliya tashqi ishlar vazirligi Italiyadan Robinyoning 9 yillik qamoq jazosini Braziliya qamoqxonasida o‘tashi haqidagi so‘rovni olgan.
20-mart kuni Oliy sud majlisi bo‘lib o‘tib, unda mazkur talab ko‘rib chiqilgan. Sud hay’ati sobiq futbolchi jazoni Braziliya qamoqxonasida o‘tashi haqidagi qarorini ma’qullagan.
Robinyoning himoya jamoasi Federal Oliy sudga shikoyat qilishi mumkinligi qayd etilgan.
Izoh (0)