Москва вилоятидаги “Пикник” гуруҳининг концерти бўлиб ўтаётган Crocus City Hall концерт залида содир бўлган теракт оқибатида камида 60 киши ҳалок бўлди. Uzbekistan Airways’нинг маълум қилишича, ҳозирда Москвада хавфсизлик чоралари кучайтирилган.
Uzbekistan Airways “Домодедово” ва “Внуково” халқаро аэропортларидан парвоз қиладиган йўловчиларни Москва аэропортларига белгиланган вақтдан олдинроқ келишларини сўрайди, — дейилади авиакомпания хабарида.
Россия Федерал хавфсизлик хизмати 22 март куни кечқурун Crocus City Hall’да ўтказилиши керак бўлган концерт олдидан отишма ва ёнғин содир бўлганини маълум қилганди. Тергов қўмитаси маълумотларига кўра, қурбонлар сони 60 кишидан ошиши мумкин. Соғлиқни сақлаш вазири Михаил Мурашко 115 киши шифохонага ётқизилгани, уларнинг беш нафари болалар эканини айтган. Теракт юзасидан жиноят иши қўзғатилган.
Изоҳ (0)