Халқаро олимпия қўмитаси раҳбарияти ёзги Париж баҳсларида нейтрал байроқ остида иштирок этадиган россиялик ва Беларуслик спортчилар очилиш маросимида қатнашмаслигини эълон қилди. Бу ҳақда The Moscow Times нашри хабар берди.
![](/static/2024/03/19/xoq-QCGBAsBs.jpg)
ХОҚ директори Жеймс Маклеод Лозаннада бўлиб ўтган қўмита ижроия кенгаши йиғилишидан сўнг, ҳар икки давлатнинг нейтрал спортчиларига очилиш маросимидаги жамоалар парадида қатнашишга рухсат берилмаслигини маълум қилди. Қўмита бу борада узил-кесил қарор қабул қилган ва у ўзгармайди.
Россия ва Беларусдан келган спортчиларга очилиш маросими жараёнларини оддий кузатувчи сифатида томоша қилиш имконияти тақдим этилади. Спортчиларга ўз мамлакатлари байроқлари ва давлат рамзларини намойиш қилишга рухсат берилмайди.