Toshkentning Mirzo Ulug‘bek va Chilonzor tumanlari gaz taʼminoti tizimida taʼmirlash va sozlash ishlari olib boriladi. Bu haqda poytaxt hokimligi matbuot xizmati xabar berdi.
Qayd etilishicha, ushbu tumanlarning baʼzi mahalla va ko‘chalarida 5-mart kuni gaz taʼminoti qisman to‘xtatiladi.
Mirzo Ulug‘bek tumanida 10:00 dan 18:00 gacha “Ijodkor” mahallasi:
- Milliy bog‘;
- Kamalak;
- Nurli zamin ko‘chalarida joylashgan yerli xonadonlar va ko‘p qavatli uylar.
Chilonzor tumanida 10:00 dan 16:00 gacha:
- “Bog‘zor” mahallasida joylashgan ko‘p qavatli uylar va ulgurji isteʼmolchilar.
“Hududgaz Poytaxt” GTF noqulayliklar uchun uzr so‘raydi.
Shuningdek, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida taʼmirlash ishlarini olib borish maqsadida bugun, 5-mart kuni quyidagi manzillarda elektr taʼminoti vaqtincha o‘chiriladi:
- Mirobod tumani — “Sharof Rashidov” MFYning ayrim hududlarida soat 09:00 dan 17:00 gacha;
- Bekremir tumani — “Iyk ota” va “H. Bayqaro” MFYlarining ayrim hududlarida soat 09:00 dan 17:00 gacha.
Avvalroq O‘zbekistonning uch viloyatida gaz va “svet”dan noqonuniy foydalanish holatlari aniqlangani to‘g‘risida xabar berilgandi.
Izoh (0)