AQSH prezidenti Jo Bayden sog‘lig‘i to‘g‘risidagi mish-mishlardan so‘ng tibbiy ko‘rikdan o‘tkazildi. Tekshiruv natijalariga ko‘ra, unda uyqu apnesi, giperlipidemiya, gastroezofagial reflyuks va artrit kabi qator kasalliklar aniqlangan. Bu haqda “RIA Novosti” shifokor hisobotiga tayanib xabar berdi.
![](/static/2024/02/29/photo_2024-02-29_08-13-44-8l35vtXf.jpg)
Tibbiy hujjatga ko‘ra, Amerika prezidentiga obstruktiv uyqu apnesi tashxisi qo‘yilgan bo‘lib, u o‘pka ventilyatsiyasining to‘xtashi shaklida namoyon bo‘ladi va xotira buzilishiga, faoliyatning pasayishiga va intellektning yomonlashuviga olib kelishi mumkin. Bundan tashqari, Baydenda umurtqa artriti, giperlipidemiya va oshqozon-ichak trakti kasalliklari aniqlangan.
“Bemorda lentigo va aktinik o‘zgarishlar (terida dog‘lar ko‘rinishida namoyon bo‘ladi) mavjud”, — deyiladi xulosada.
Shuningdek, AQSH rahbarida bosh suyagi asablari va vestibulyar funksiya normada ekanligi qayd etilgan.