Эмма Стоун “Бечоралар — бахтсизлар” фильми съёмка жараёнида 60 дона пишириқни ейишга мажбур бўлгани ҳақида сўзлаб берди

Америкалик актриса Эмма Стоун “Бечоралар— бахтсизлар” фильмидаги бир саҳнада 60 дона паштел-де-ната ширинлигини ейишга мажбур бўлгани ҳақида ёзади The Guardian.

АҚШ продюсерлар гилдияси тақдирлаш маросимида журналистларга берган интервьюсида Эмма Стоун бундай катта калорияли ширинликдан сўнг ўзини ёмон ҳис қилганини сўзлаб берди:

“Ширинликни биринчи донаси мазали эди, аммо охирига келиб одамнинг кўнгли беҳузур бўлади”.

1 дона паштел-де-ната ширинлиги ўртача 157 калорияли, унинг 60 донаси эса 9,5 минг калорияга боради.

Йоргос Лантимоснинг “Бечоралар— бахтсизлар” фильмидаги роли учун Эмма Стоун “Оскар” мукофотининг “Энг яхши актриса” номинацияси ғолиби деб топилган. Ушбу фильм, шунингдек, энг яхши пардоз ва соч турмаги, энг яхши костюм дизайни, энг яхши визуал эффектлар ва энг яхши рассом иши учун номинацияларда ғолиб бўлган.

Актриса бундан аввал “Ла-Ла Ленд” мусиқий фильми учун худди шу номинацияда “Оскар”ни қўлга киритган эди.