Xitoy Tashqi ishlar vazirligi matbuot kotibi Mao Ning Xitoy Ukraina inqirozini siyosiy jihatdan tartibga solishda konstruktiv rol o‘ynashda davom etishini ta’kidladi. U blok qarama-qarshiligi ma’lum bir mamlakat xavfsizligini ta’minlay olmasligini qo‘shimcha qildi. Bu haqda “TASS” xabar berdi.
Brifingda “TASS”ning so‘roviga ko‘ra, Mao Ning Oliy Rada deputati Aleksey Goncharenkoning Ukrainaning Xitoy bilan AQSH tomonida kurashishga tayyorligi haqidagi so‘zlariga izoh bergan.
“Menimcha, Ukraina inqirozidan muhim saboq shundan iboratki, bloklar qarama-qarshiligi xavfsizlikni ta’minlay olmaydi. Xitoy Ukraina inqirozini siyosiy yo‘l bilan hal qilishda konstruktiv rol o‘ynashda davom etadi”, — dedi diplomat.
23-fevral kuni Goncharenko CNN telekanaliga bergan intervyusida, agar kelgusida urush boshlansa va Vashingtonga ittifoqchi kerak bo‘lsa, Ukraina Tehron, Shimoliy Koreya yoki Pekin yaqinidagi xandaqlarda AQSH bilan yelkama-yelka turishga tayyorligini aytgan.
Izoh (0)