Venesuela tashqi ishlar vaziri Ivan Xil Falastin xalqiga qarshi genotsidni to‘xtatishga chaqirdi.
Xilning aytishicha, “bugungi kunda AQShning moliyaviy va siyosiy ko‘magida Isroil G‘azoda genotsid uyushtirmoqda”.
Vazir 23 mingdan ortiq falastinlik, jumladan, bolalar halok bo'lgani, vayronalar ostida yana ming-minglab odamlar bedarak yo‘qolganini ta’kidladi.
“Bu genotsidga chek qo‘yish kerak”, — dedi Venesuela TIV rahbari.
Avvalroq Xalqaro sud Isroil G‘azo sektorida genotsidning oldini olish uchun barcha zarur choralarni ko‘rishi kerak, degan qarorga kelgandi.
“Isroil G‘azo sektori aholisiga nisbatan Genotsid konvensiyasining ikkinchi moddasiga muvofiq xatti-harakatlarning oldini olish uchun barcha choralarni ko‘rishi kerak”, — dedi sud raisi Joan Donohyu.
Izoh (0)