Венесуэла ташқи ишлар вазири Иван Хил Фаластин халқига қарши геноцидни тўхтатишга чақирди.
Хилнинг айтишича, “бугунги кунда АҚШнинг молиявий ва сиёсий кўмагида Исроил Ғазода геноцид уюштирмоқда”.
Вазир 23 мингдан ортиқ фаластинлик, жумладан, болалар ҳалок бўлгани, вайроналар остида яна минг-минглаб одамлар бедарак йўқолганини таъкидлади.
“Бу геноцидга чек қўйиш керак”, — деди Венесуэла ТИВ раҳбари.
Аввалроқ Халқаро суд Исроил Ғазо секторида геноциднинг олдини олиш учун барча зарур чораларни кўриши керак, деган қарорга келганди.
“Исроил Ғазо сектори аҳолисига нисбатан Геноцид конвенциясининг иккинчи моддасига мувофиқ хатти-ҳаракатларнинг олдини олиш учун барча чораларни кўриши керак”, — деди суд раиси Жоан Доноҳю.
Изоҳ (0)