Xodimlarni samarali boshqarish eng qiyin biznes vazifalaridan biri bo‘lib, uni texnologiyalarni joriy etmasdan amalga oshirish deyarli imkonsiz bo‘lib qolmoqda. Workly innovatsion IT-loyihasi ushbu muammoni sodda, qiziqarli va, albatta, texnologik jihatdan oson hal qilishga qaratilgan.
Bugungi kunda insonlarni bir yerda va bir vaqtda boshqarish, ularning ko‘nikmalarini har kuni rivojlantirish va umidlarini zamonaviy hamda oson usullar bilan oqlash zaruriyati xodimlarni samarali boshqarish, yaʼni HR jarayonini “shoshilinch” yorlig‘iga ega vazifaga aylantirib qo‘ymoqda. Mana shu “Oson” so‘zi Workly loyihasinining HR yechimlarini yaratishdagi boshqaruv kalitidir. Xodimlar uchun oson, menejerlar uchun oson, umuman kompaniya uchun oson.
Ish vaqtini qayd etish tizimi yengilliklari
Workly ish vaqtini kuzatish tizimini avtomatlashtirish uchun yechimlarni taklif etadi. Bu xodimlarga o‘z vaqtlariga nisbatan intizomli bo‘lish hamda kechikish va umuman qoldirilgan ish kunlari sonini kamaytirish imkonini beradi. Shuningdek, ishlangan soatlar hajmi tizimda aniq qayd etilganligi tufayli, ish haqini hisoblash uchun masʼul bo‘lgan mutaxassisning esa ishini yengillashtiradi.
Dastur qanday ishlaydi?
Xodimlarning kelish va ketish jarayoni ularning barmoq izlari, yuzni identifikatsiyalash tizimi yoki TimePad ilovasi orqali kuzatiladi. Workly yordamida tushlik vaqtini, navbatchilik soatlarining boshlanishi va tugashini hisobga olingan holda turli xil ish grafiklarini avtomatlashtirish, shuningdek, grafiklarga istalgan vaqtda o‘zgartirishlar kiritish mumkin. Yangi ishga tushirilgan Workly Time and Attendance mobil ilovasi orqali esa ishga kelish va ketish jarayonini qayd etish yanada osonlashdi. Endi ushbu jarayonni ofisning geolokatsiyasi yordamida amalga oshirilishi mumkin. Bunda, kompaniyalar shunchaki ushbu dasturni yuklab olish orqali biometrik qurilmalarni sotib olishdagi xarajatlarni tejashlari mumkin.
Ishga qabul qilish jarayonlarini soddalashtirish
Endi Workly ishga qabul qilish jarayonlarini soddalashtirish imkoniyatini beradi. Ayniqsa gap ommaviy saralash bosqichi haqida borganda, yirik kompaniyalar nomzodlar to‘g‘risidagi maʼlumotlar turli xil platformalarda joylashtirilganligi sababli ushbu jarayonga ko‘p kuch va vaqt sarflaydilar. Workly kompaniyalarga tanlov jarayonini bitta interfeysga birlashtirish orqali avtomatlashtirishni, buning ortidan tejalgan vaqtni esa ko‘proq strategik masalalarni hal qilishga yo‘naltirishni taklif etadi.
Dastur qanday ishlaydi?
2023-yilda kompaniya ishchi qatlamni shakllantirish uchun WorklyHR rekruting-platformasini ishga tushirdi. U hh.uz bilan integratsiyalashgan bo‘lib, mos nomzodlarni tez va samarali topish imkonini beradi. Shuningdek, mijozlar uchun xodimlarni soddalashtirilgan tarzda yollash uchun maxsus Telegram botlardan foydalanish imkoni ham mavjud. Bundan tashqari, loyiha har bir mijoz uchun bepul “Karyera” sahifasini yaratish imkonini beradi. Bu kompaniyaning qadriyatlari va mavjud bo‘sh ish o‘rinlari ko‘rsatilgan sayt bo‘lib, unga yo‘llangan xabarlar darhol WorklyHR ishga qabul qilish tizimiga yuboriladi.
“Chakana savdo, HORECA va ishlab chiqarish sohalaridagi mijozlarimiz bizga o‘zlarining ishga olish jarayonlarini avtomatlashtirish bo‘yicha ko‘plab savollarni berdilar. Ushbu sohalarda xodimlar almashinuvi ko‘p bo‘lib, bozorda esa hozirda qoniqarli integratsiyalashgan yechim mavjud emas. Biz ishga qabul qilish platformasini bitta HR ekotizimiga birlashtirishni rejalashtirmoqdamiz. Ushbu platforma jarayonlarni soddalashtiradi hamda ularni mijozlarimiz talablariga moslashtiradi. Maqsadimiz har qanday kompaniya uchun HRning xodimlarni yollash va vaqtni boshqarishdan tortib, ularning moslashish davri kabi barcha jabhalarini qamrab oladigan, universal HR mahsulotini ishlab chiqishdir”, deb o‘z qarashlari bilan o‘rtoqlashdi, Workly rahbari Iskandar G‘aniboyev.
Hozirda platforma test rejimida ishlamoqda va uning rasmiy ishga tushirilishi 2024-yil 1-fevralga rejalashtirilgan. Tizimni sinovdan o‘tkazayotgan kompaniyalardan birining kadrlar bo‘yicha direktori undan foydalanish tajribasi bilan bo‘lishdi.
“WorklyHR, albatta, kompaniyamizning xodimlarni ishga olish jarayonini tezlashtirdi. Asosiy afzalliklardan biri - bu endi nomzodlarning yo‘qolib qolmasliklari hamda ular to‘g‘risidagi aktual maʼlumotlar doimo oson topilishidir. WorklyHR bizga barcha maʼlumotlarni elektron formatda tez yig‘ish va saqlash imkoniyatini berdi. Buning natijasida biz qog‘oz hujjatlardan foydalanish zaruratidan hamda ularni qidirish va tartibga solish uchun vaqtni behuda sarflashdan xalos bo‘ldik”, - deydi sinov-kompaniyasining kadrlar bo‘yicha direktori Aleksandr Podoynitsyn.
Sunʼiy intellekt bilan ishni soddalashtirish
Workly yuqori texnologiyali loyiha sifatida nafaqat bugungi kunimizni, balki kelajagimizni ham belgilab beruvchi tendensiyalardan ortda qolayotgani yo‘q. Ishga qabul qilishni avtomatlashtirish loyihasi tugallangandan so‘ng, Workly unga avtomatik intervyu va nomzodning asosiy xususiyatlarini aniqlash kabi sunʼiy intellekt imkoniyatlarini joriy qilishni rejalashtirmoqda. Kelajakda sunʼiy intellekt yordamida ish jadvallarini belgilashni avtomatlashtirish rejalashtirilmoqda.
Sayt: https://workly.io/uz
Instagram: https://www.instagram.com/workly.io?igsh=Z25yeHgwb20ybXc=
WorklyHR: https://hr.workly.io
Reklama huquqi asosida.
Izoh (0)